લાગણી
લાગણી
ક્યારેક કોઈક લાગણી જોઈ શકાતી નથી !
ક્યારેક કોઈક લાગણી અનુભવી શકાતી નથી,
વણઉકેલ્યા કથન છે બસ સમય સાથે;
ક્યારેક કોઈક લાગણી છૂપાવી શકાતી નથી,
એકસામટી આવી પહોંચે છે, ને લાગે છે "ઘોડાપૂર" ?
ક્યારેક કોઈક લાગણી સમાવી શકાતી નથી !
રાત પૂરી થાતાં જ સવારની ઝાંકળ પ્રકાશિત થાય છે,
ક્યારેક કોઈક લાગણી તપાવી શકાતી નથી !
ધસમસતો પ્રવાહ વહે છે એકસામટો પણ,
ક્યારેક કોઈક લાગણી લોહીમાં ઉતારી શકાતી નથી,
અસમંજસમાં ફરતી રહું, ને ન બોલું પાછી કાંઈપણ ?
ક્યારેક કોઈક લાગણી ઘડી શકાતી પણ નથી ?
આ શોર~બકોર સાંભળતી રહું છું ચારેકોર,
ક્યારેક કોઈક લાગણી મનમાં વિચારી શકાતી નથી,
તપન છે, સહન કરવું એ આદત છે !
ક્યારેક કોઈક લાગણી કલ્પી શકાતી નથી,
શોધતી રહે છે નજર મારી હંમેશા કાંઈ,
ક્યારેક કોઈક લાગણી શમાવી શકાતી નથી,
ઈચ્છવા છતાં પણ નાકામિયાબ થવું કેમ ?
ક્યારેક કોઈક લાગણી ભૂલી શકાતી નથી,
મામૂલી હરકત છે, ને સાથ તમારો હરપળ,
ક્યારેક કોઈક લાગણી ઝૂકાવી શકાતી નથી,
સમંદરને પણ નાનકડી હોડી બોલાવતી હોય !
ક્યારેક કોઈક લાગણી મજધારે ભિંજાતી નથી !
આવું બધું ચાલ્યા રાખે જીવનમાં "હીના",
ક્યારેક કોઈક લાગણી દિલમાં રોપી શકાતી નથી.