ક્યારે મળીશુ?

આ સુંદર મોસમ અને આ રમણીય દ્રશ્યો,

આપણે બંને એ ગાયો હતો પ્રેમનો તરાનો,

આ મધુર પળોને હું કદીય નથી ભૂલવાનો,

ફરી ક્યારે મળીશુ તે હું નથી કહી શકવાનો? 

આ તારો ચમકતો મધુર સ્મિત કરતો ચહેરો,

આ તારા નયનોમાંથી છલકતો જામ અનેરો,

આ છલકતાં જામને હું કદીય નથી ભૂલવાનો,

ફરી ક્યારે મળીશુ તે હું નથી કહી શકવાનો? 

આ સાવનની ઘટામાં કરેલ પ્રેમની મીઠી વાતો,

તને આલિંગન આપીને હું મદહોંશ બનાવતો,

આ મધુર મુલાકાતને હું કદીય નથી ભૂલવાનો,

ફરી ક્યારે મળીશુ તે હું નથી કહી શકવાનો? 

આ શરદની મધુર રાતે તને હું મળવા આવતો,

"મુરલી"મુધર ધુન છેડીને તને હું મગ્ન બનાવતો,

આ પ્રેમરાગની ધુનને હું કદીય નથી ભૂલવાનો,

ફરી ક્યારે મળીશુ તે હું નથી કહી શકવાનો?

રચના:-ધનજીભાઈ ગઢીયા "મુરલી" (જુનાગઢ)