ક્યાં સુધી ?

ઓ જીવન ! કહી દે ને મને,

આ પરીક્ષાઓ આપવી પડશે ક્યાં સુધી ?

જાણું છું, કનક નીખરે ભઠ્ઠીમાં તપી,

ખુદને ચમકાવવા માટે તપવું પડશે ક્યાં સુધી ?

અસત્યનું મેઘધનુષ છવાયું છે જગઆકાશે,

ત્યાં સત્યની સાબિતીઓ આપવી પડશે ક્યાં સુધી ?

વેચાય છે સ્નેહ, સસ્તા દામે સંબંધોના બજારમાં,

ત્યાં વિશ્વાસનું મૂલ્ય મારે ચુકવવું પડશે ક્યાં સુધી ?

તું ભલેને રહ્યો નિર્મોહી, ઓ સનમ !

પ્રીતઘેલી થઈ પીડા છુપાવવી પડશે ક્યાં સુધી ?

ઘોર અંધકાર ઊતરી આવ્યો છે અવની ઉપર,

ઈચ્છાઓ કાજ તારો બની ખરવું પડશે ક્યાં સુધી ?

તું ભલે ને ન સ્વીકારે, પ્રેમ છે તને મુજથી ,

મૌન રહી મારે તને ચાહવું પડશે ક્યાં સુધી ?