કુદરતના રંગ
કુદરતના રંગ
આનંદની કોઈ સીમા ના હોય
જ્યારે કુદરતના રંગ છવાતા હોય,
સવાર સવારમાં સૂરજની લાલીમા
આકાશમાં પ્રસરાતી હોય,
ધરતી પણ સજીવન બનતા
રંગબેરંગી થતી હોય,
એ કુદરતને નમન કરવાનું
મન આપણું થતું હોય,
ગગન આસમાની
ધરતીનો રંગ અલગ અલગ,
પ્રદેશ પ્રદેશે માનવ રંગ
શ્વેત શ્યામ ઘઉં વર્ણ
પીળાશ પડતો દેખાતો હોય,
કુદરત પણ મેઘધનુષમાં
સાત રંગોમાં રંગતા હોય,
રંગ રંગની વાતો અલગ
પશુપક્ષીના રંગ પણ અલગ,
વિચારો પ્રમાણે માનવ પણ
રંગીન બનતો હોય,
કાવ્ય રચના કરતા કવિ
રંગોમાં રંગાતો હોય,
આનંદની કોઈ સીમા ના હોય
જ્યારે કુદરતના રંગ છવાતાં હોય.