કુદરત
કુદરત
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
150
નજર લાગી કુદરતના સુંદર નજારે,
ખુશીથી શું ભાગ્યો હું ઊભી બજારે!
ભલે ફૂલ મલકે, ખુશી એની છલકે,
ચડે દેવ માથે, ચડે એ મજારે.
જ્યાં તે આવકારે મજાની સુગંધે,
ત્યાં મધમાખની થાય છે આવ-જા રે.
સજાવટ કરે એકલા-એકલા તે,
ને માથે ધરે પાંદડાંની ધજા રે.
રહેવું પડે દૂર એનાથી 'સાગર',
કદી' આપતો નહિ તું એવી સજા રે.