કોફી

કોફી જોઇએ કે ચા જોઇએ શું ફેર પડે છે !

તારો સાથ હોય એ મને તો અસર કરે છે.

તું ભલે કોફીને ન પસંદ કરે શું ફેર પડે છે !

હું તને પસંદ છું એ વાત મને અસર કરે છે.

તું ભલે મારા સાથે ચાની વહેંચણી ન કરે શું ફેર પડે છે !

તું મારું મન રાખવા કોફીની ચુસ્કી લે એ મને અસર કરે છે.

દરરોજ સાંજની ચા ભલેને સાથે ના પીવા મળે શું ફેર પડે છે !

દરરોજ સવારની ચામાં એકબીજાનો સાથ રહે એ અસર કરે છે.

ચાને લઈને તારો ભલેને કોઈ નિયમ ન હોય શું ફેર પડે છે !

તું મારા નિયમને અનુસરે છે એ જ મને અસર કરે છે.

ક્યારેક એકબીજાને સાથ ના આપી શકીએ શું ફેર પડે છે !

જન્મોજન્મ આપણે સાથ નિભાવવાનો છે એ અસર કરે છે.