કોઈ કારણ ના મળ્યું
કોઈ કારણ ના મળ્યું
જિંદગીમાં કોયડાનું નિરાકરણ ન મળ્યું,
બધું મળ્યું,પણ દોસ્ત જેવું સગપણ ન મળ્યું,
ચાલતી હતી તો હું લાખોની ભીડમાં,
પણ સંબંધોમાં ક્યાંય ગળપણ ન મળ્યું,
જૂઠી પ્રશંસા કરનારા તો લાખો મળ્યા મને,
પણ સત્યનું દર્પણ બતાવનાર ન મળ્યું,
રહ્યું સાવ ખાલી મારા દિલનું આખું મકાન,
જર્જરિત થયું, છતાં પણ રહેનાર ન મળ્યું,
જીવવા ખાતર જીવીએ તો છીએ અમે,
પણ દિલથી જીવવાનું કોઈ કારણ ના મળ્યું,
ભરી દે કોઈ ખાલી હૈયાને સોનેરી યાદોથી,
એવું પ્રેમાળ કોઈ એક ક્ષણ માટે પણ ન મળ્યું.