કંટાળો

વીતેલા વાયરાની મને વાત કર જો,

 પેલા દીધેલા કોલની થોડી ફરિયાદ કર જો,

 નાનપણની નાદાનીની રજૂઆત કર જો,

 જવાનીના જોશની ને પેલા રંગીન દિવસોની ચર્ચા કર જો,

 તારા એ દરેક સંજોગોની મને વાત કર જો,

 સારું-નરસું, સાચું-ખોટું, સુખ-દુઃખ ને બધું જ,

 તારા સપનાની એ દરેક સીડીની સરગમની શરૂઆત કર જો,

 મને મળ્યા પહેલાની અને મળ્યા પછીની એ જિંદગી,

 તું નિરાંતની આ પળમાં મારી સાથે નહિ તો,

 ખુદની સાથે, મનગમતી મોજ કર જો,

 બસ તું આ 'કાંટાળા'ના કુંડાળામાં ફસાય એ પહેલા,

 મારા સ્મિત અને સપના સાથે એક મુલાકાત કર જો,

 ચાલ, તને જિંદગીની સેર કરવું એક પળમાં,

 બસ એકવાર તારા મનમાં શું છે એની રજૂઆત કર જો.