કિંમતી ક્ષણની ઉજાણી કરજો

મોસમ બદલાય એ પહેલા વાવણી કરજો,

મળેલી દરેક કિંમતી ક્ષણની ઉજાણી કરજો,

તમે તો છો ઈશ્વરનું અદ્ભૂત અમૂલ્ય સર્જન,

ધરતી પર સૌને ખુશીઓની લ્હાણી કરજો.

મૃત્યુ પછી પણ લોકો તમને હંમેશા યાદ કરે,

એવી તમારી જીવનની કોઈ કહાણી કરજો,

સૌની સાથે હંમેશા તમે હળીમળીને રહેજો,

સૌની ખુશીઓ હંમેશા તમે બમણી કરજો,

તમારું પાત્ર જોઈને ઈશ્વર પણ હરખાય,

એવી જીવનમાં યાદગાર તમે કરણી કરજો.