કિંમતી બધું ખોવાયું

આ ફૂલોનાં છોડથી સુગંધિત મારું આંગણું ખોવાયું,

આ મોટી મોટી ઇમારતોમાં ક્યાંક,

પંખીઓનો કલરવ ખોવાયો,

આ ડિજિટલ યુગમાં,

બચપણની મૈત્રી ખોવાણી,

આ બદલાયેલા યુગમાં

તહેવારોની મજા ખોવાણી,

આ વોટસએપના યુગમાં,

આ પત્રલેખનની મજા ખોવાણી,

આ બનાવટી ચહેરા પાછળ,

અસલી સ્મિત ખોવાયું,

આ ગૂગલની જાદુઈ નગરીમાં પ્રવેશી,

અસલી જ્ઞાન ખોવાયું,

આ ફેસબૂક ઇન્સ્ટાના ચક્કરમાં,

આ અસલી માનવીય સંબંધો ખોવાયા.