ખુશીઓને સહેલાવતા રહેવું
ખુશીઓને સહેલાવતા રહેવું
1 min
507
આપણે આપણી મોજમાં રહેવું
ગિરીશૃંગે કોઈ પત્થર જેવું
નહીં તો ઝરણા જેવું ખળખળ વહેવું
કમળની જેમ ખીલતા રહેવું
વડલા ડાળે ઝુલતા રહેવું
ગુલાબની જેમ મ્હેંકતા મ્હેંકતા
કાંટાનુ ચુંભન ભુલતા રહેવું
મૌનની વાણી સમજતા રહીને
પંખીની જેમ કલબલતા રહેવું
ગિરીશૃંગે કોઈ પત્થર જેવું
નહીં તો ઝરણા જેવું ખળખળ વહેવું
રેતની જેમ સરકતા રહેવું
દરિયા જેમ ઘુઘવતા રહેવું
ખુશીઓના ભાથા ભરતા ભરતા
ખુશીઓને સહેલાવતા રહેવું
વાદળ જેમ વરસતા રહીને
વીજળી જેમ ગરજતા રહેવું
ગિરીશૃંગે કોઈ પત્થર જેવું
નહીં તો ઝરણા જેવું ખળખળ વહેવું