ખુદને પત્ર
ખુદને પત્ર
સમય કાઢીને લખ્યો છે ખુદને એક પત્ર
મનનાં દોષો વિરૂદ્ધ ઉઠાવી લે તું શસ્ત્ર,
નકામી બહાર શોધે છે અજાણી સંગત
બની તો જો જરા ખુદની નિ:સ્વાર્થ મિત્ર,
મનના દ્વારે બેસી જોઈ લે અનન્ય છે તું
ના મળે ક્યાંય તારા જેવું કોઈ બીજું પાત્ર,
આટલા પડદા ન રાખ તારા વ્યક્તિત્વ પર
મળે સામે ને તું ઓળખી ન શકે તારું જ ચિત્ર,
દરેક રંગ મિશ્રણ છે એકબીજા રંગોના
બસ એક જ રંગ શ્વેત છે શુદ્ધ ને પવિત્ર.