દોસ્તીનું સંગીત
દોસ્તીનું સંગીત
તું વગર કારણે વરસાવે છે વ્હાલ
દોસ્ત, હું કેમ કરીને પૂછું તારો હાલ,
જીવું છું આજને બસ તારી યાદમાં
કેટલી ખૂબસૂરત તારી વાતો અને કાલ,
કેવી માસૂમિયત ને સ્વાર્થ વગરનો સ્નેહ
ફરીથી જીવી લઈએ એ ક્ષણને ચાલ,
જીવનના મેઘધનુષમાં તું ખૂટે છે દોસ્ત
ક્યાંથી લાવું હું તારા પ્રેમનો રંગ લાલ,
અન્ય જવાબદારીમાં અટવાઈ તું ' શ્વેત '
ખોવાયું દોસ્તીનું સંગીત, સૂર, અને તાલ.