હે ઈશ્વર
હે ઈશ્વર
1 min
253
એના હૃદયના દર્દમાં આ આંખો કેમ રડે છે
એના હાસ્ય કાજ કેટલી મિન્નત કરવી પડે છે
હે ઈશ્વર ! ક્યાં બગાડ્યું છે એણે કોઈનું પણ
તમને આખી દુનિયામાં ફક્ત મારી જાન જ નડે છે
હવે તો બસ કરો, કેટલીક હોય પછી પરીક્ષા
સુખ, શાંતિ અને ખુશી માટે એ કેટલું લડે છે
એના દુઃખ મારા, મારી ખુશીઓ એને નામ કર
અણમોલ ક્ષણોથી એ રોજ મારું જીવન ઘડે છે
ઈશ્વર, આ છેલ્લી દુઆ છે, ના ઉતરે ક્યારેય
હવે 'શ્વેત' રંગ ધીમે ધીમે એના હૃદયમાં ચડે છે