ખોરવાયું છે પર્યાવરણ

નથી કર્યું જતન અમારું,

તેથી જ તો ખોરવાયું છે પર્યાવરણ,

કહી નડતરરૂપ હટાવ્યા અમને,

તેથી જ તો ખોરવાયું છે પર્યાવરણ.

થઈએ મદદરૂપ અમે છતાં,

હિંસા અમારી ઉપર ?

કરો છો કુહાડીના ઘા,

તેથી જ તો ખોરવાયું છે પર્યાવરણ.

થાય છે પર્યાવરણની,

ઉજવણીઓ બધે જ,

છે જતનના સંકલ્પો અધૂરા,

તેથી જ તો ખોરવાયું છે પર્યાવરણ.

મળ્યું હતું શુદ્ધ વાતાવરણ તે,

પણ થઈ ગયું પ્રદૂષિત,

વૃક્ષોના સ્થાને ચણાતી ઇમારતો,

તેથી જ તો ખોરવાયું છે પર્યાવરણ.

કરીયે સંકલ્પ સાચો,

"વિનોદ" વૃક્ષો વાવીશું,

આડેધડ કપાય છે વૃક્ષો,

તેથી જ તો ખોરવાયું છે પર્યાવરણ.

થાય છે વૃક્ષારોપણ માત્ર,

દેખાવ ખાતર એ "શાદ" ,

સત્ય કરતાં દેખાડા વધુ,

તેથી જ તો ખોરવાયું છે પર્યાવરણ.