ખોરાક સાદો રાખશો

ખોરાક સાદો રાખશો સાજા સદા તો કાયમી,

આચર કુચરને ટાળજો, સાજા સદા તો કાયમી.

આહાર રાખો સંયમિત જીવન નિરોગી પામશો,

ઊણું ઉદર તો મ્હાલશો સાજા સદા તો કાયમી.

ફાવે ઉદર ને એ જ ખાવું સ્વાસ્થ્ય ઉત્તમ રાખવા,

પાકી પરેજી પાળશો, સાજા સદા તો કાયમી.

વ્યાયામ ખોવાણો, વધી આળસ થયું, બેઠાડું તન,

બર્ગર પિઝા ને ત્યાગજો, સાજા સદા તો કાયમી. 

પીડા ઘણી આજે વધી, બીમાર છે આખું જગત,

સમજી જશો તો ભાળશો, સાજા સદા તો કાયમી.