તો શું કરું ?

નથી મારા નસીબમાં ખુશી તો શું કરું ?

મારા જ હાથે બાવળ વાવી પસ્તાવો શું કરું ?

વાવણી કરી નહીં બાળપણમાં સંસ્કારની એક,

હવે યુવાનીમાં પાકાં ઘડે કાંઠા ન ચડે તો શું કરું ?

ઈશે આપી જિંદગી મોંઘેરી મનુષ તણી,

કદર એની જીવતા જીવ ન કરી તો શું કરું ?

મળી હતી છત્રછાયા માબાપના પ્રેમની,

એ પ્રેમની લાગણી સમજી નહીં તો શું કરું ?

ઈશ તણાં દરબારમાં હતી ઈચ્છા અનેક,

હું ભૌતિક સંપત્તિ પાછળ દોડી તો શું કરું ?