સગપણ માતૃભૂમિનું

હે વસુંધરા મા ભારતી શત શત હું પ્રણામ કરું,

સગપણ સાચું માતૃભૂમિનું ચરણમાં હું પ્રાણ ધરું.

કેસરિયાળો રંગ કસુંબલ આજ હું શણગાર કરું,

રાષ્ટ્રભક્તિની ઓઢી ઓઢણી, કેસરી સિંદુર ભરું.

અમર ચૂડલો ભર્યો ખુમારી, માટીનું હું તિલક કરું,

હાથે મેંહદી કેસરયાળી, શૌર્ય તણી હું તેગ ધરું.

 

તાંડવ છે નવ સર્જનનું,આજ હું રીપુ દમન કરું,

પગમાં પાયલ ઘૂઘરયાળી, વંદેમાતરમ્ નાદ ભરું.

એક લક્ષ્ય છે જીવન મારું,નામ તારું અમર કરું,

અતંરની આ આશ છે 'મા' તારા માટે જનમ ધરું.

જય ઓમકાર મા ભારતી, રાષ્ટ્ર નવ નિર્માણ કરું,

થાય 'પ્રતીતિ' ઘર ઘર એની લહેરાતો તિરંગો કરું.