'મા' તારો પાલવ...
'મા' તારો પાલવ...
1 min
13.5K
અશ્રુઓ રોકીને રહું છું હું સ્વસ્થ જ્યારે,
'મા' તારો પાલવ છે ખુબ મને સાંભરે !
આકરા આ તડકામાં ઝંખું હું છાય જ્યારે,
'મા' તારો પાલવ છે ખુબ મને સાંભરે !
જીવનનાં ઘા ઝીલું, રહીને અડીખમ જયારે,
'મા' તારો પાલવ છે ખુબ મને સાંભરે !
પહોંચી મુકામ મારે ભરવો જો હાશકારો,
'મા' તારો પાલવ છે ખુબ મને સાંભરે !
ખુદથી જ હારીને જગથી હું નાસું જ્યારે,
'મા' તારો પાલવ છે ખુબ મને સાંભરે !
ધરવી આ મેળવેલ સિદ્ધિ-પ્રસિદ્ધિ મારે,
'મા' તારો પાલવ છે ખુબ મને સાંભરે !