ઝાકળ
ઝાકળ
આ કવિતા છે 'ઝાકળ '..
એક તાજું ભીનું કોમળ, નાજુક, અલ્પજીવી ....
શીતળતા સ્પર્શી વાયરાને, બન્યો એ પેલું ઝાકળ,
ફૂલો બધાં પોઢી ગયાં અહીં ઓઢીને જે ઓઢણ !
સમજદારી લાગે છે ઝાકળને માનવીની ફિતરતની
એનાં સિવાય ભીંજવ્યું બધું પોતાના એક સ્પર્શથી !
સોનેરી કિરણો રેલાયા ધરા પર કાંઈક એવાં
ગગનથી ઊતરી પેલું મેઘધનુષ ઝાકળમાં વહેંચાયું!
હતી ઈચ્છા કંઈક હજી અધૂરી ફૂલોની ભીંજાવાની,
ત્યાં તો તડકાએ લીધી સમેટી ઝાકળની આ ચાદર!