કહી દે દિલની વાત

કહી દે દિલની વાત,

નહિતર સમય વિતી જશે,

પુરૂ કર મનનું ફિતુર,

નહિતર ઝનૂન ઓસરી જશે.

ન રાખીશ રૂપનો ગર્વ,

કેટલું તે ટકી રહેશે!

પ્રભાતનું પુષ્પ છે એ,

સાંજ પડ્યે ખરી જશે.

હિંમત રાખી વધ આગળ,

સમય તારો પલટી જશે.

વિષાદના આ કાળા વાદળા,

આનંદની લહેરખીથી હટી જશે,

દબાવવાની કોશિશ ન કર,

જેની દિલથી પ્રીતિ હશે,

નહિતર મુઠ્ઠીની રેતની જેમ,

તારા હાથમાંથી સરી જશે.

પ્રશાંત, કંકાસમાં સમય કેમ બગાડે?

જીવનમાં અંતે દુઃખો જ રહી જશે.