કેમ કરી પામવા આ તાગા

કેમ કરી પામવા આ તાગા…

 

આગ જ વેરે ધગી સૂરજ આ

ચાંદ તપે ઝીલતો આ તડકો

આભ ધરે ચાંદનીના વાઘા

સાગર માણે મધુ અનુરાગા

કેમ કરી પામવા આ તાગા

 

જોગણ ઊભી લઈ ખપ્પર કર

વાદળ ને વીજના લલકારા

વંટોળ દે વિનાશી સંદેશા

કોમલ ફૂટે હરિત આ અનુરાગા…કેમ કરી પામવા..

 

અણિયાળી આંખોના આ તીરો

ઘાયલ થાતું જ ભીતર ભોળું

કોણ મધુરું બાંધતું બંધન આ

કેવા વિરહ મિલન અનુરાગા…કેમ કરી પામવા..

 

આ રઝળે પાન વાટે સઘળે

ગમગીન નિસ્તેજ દીસે પાનખરા

ફૂટે શાખે જ કૂંપળ હસતી

ગૂંથે પંખી કલરવ માળા

રંગી દીસે જ આ સરવાળા

કેમ કરી પામવા આ તાગા..આ અનુરાગા.