કેમ છો? મજામાં !
કેમ છો? મજામાં !
કેમ છો ? મજામાં ! આ સવાલ આપણને હંમેશા કોઈના કોઈ, કોઈ પણ સમયે પૂછતા હોય છે તો એ સમયે આપણે મજામાં છું, એમજ કહેતા હોઈએ છીએ પણ અંદર શું થાય છે એતો હકીકતમાં આપણને જ ખબર હોય છે. ચલો આજ વાત પર મારી નાની અમથી કવિતા તમને જણાવું. આ કવિતા છે કે બીજું કંઈ છે એ જાણતો નથી પણ તમારા સમક્ષ જે શબ્દો નીકળ્યા છે એ રજુ કરું છું ભૂલ થતી હોય તો ક્ષમા ઈચ્છું છું.
તું પૂછે છે કેમ છે ?
તુજ કે કોનાં વગર ચાલે એમ છે ?
હું કહું મજામાં છું,
તો પણ થાય સવાલ એમ કે
સાચ્ચે હું મજામાં છું ?
દિલ ની વાત કઈ રીતે કહું દોસ્ત,
સાબિતી આપે છે કે
ઉપર ઉપરથી મજામાં છું
અંદરથી સજામાં છું,
તો પણ દિલ તો એજ કહે કે
કોઈનાં હું તાબામાં છું.
કોઈવાર ન જાણતા આપણે આજ અનુભવતા હોઈએ છીએ.