કાશ તું હોત

આ સૂના આકાશમાં તારાની માફક ચમકતી,

કાશ તું હોત,

આ ધરતી પર લીલુડી ચૂંદડી ઓઢીને હસતી,

કાશ તું હોત,

આ સૂના ઘરના હૃદય સમાન ધબકતી,

કાશ તું હોત,

આ વાદળમાંથી રિમઝીમ વરસાદ બની વરસતી,

કાશ તું હોત,

આ લીમડાની મીઠી છાંયા બની શાંત્વના બની વરસતી,

કાશ તું હોત,

આ અધૂરા સાગર ને મળવા આવતી નદી,

કાશ તું હોત,

આ સૂના રમકડાનાં પૂતળાને સજીવન કરનારી,

કાશ તું હોત,

આ ચંદ્રની માફક સૌને તેજ આપનારી,

કાશ તું હોત,

આ આંખોમાંથી અમી ઝરણાની જેમ વ્હાલ વરસાવતી,

કાશ તું હોત,

આ બંને હાથમાંથી હમેંશા આશિષ વરસાવતી,

કાશ તું હોત,

આ વેરાન ઘરમાં મીઠો આવકારો આપનારી મારી 'મા',

કાશ તું હોત,

સાથ તારો ખુબ જ જરુરી હતો, સજીવન રહેવા માટે, એ તું સમજી છે ?!

પણ આમ અધવચ્ચે કફનમાં વીટળાયેલી ધારી ન હતી તને !

જિંદગીની અંતિમ પળોમાં સાથ દેવા, કાશ તું મારી સાથે હોત !