કારણ ન પૂછો

નિસર્ગ ઉવાચ:

હે માનવ,

વધતા જતા નૈસર્ગિક સંકટનું

   તમે મુજને કોઈ કારણ ન પૂછો,

ઇતિહાસ-ભૂગોળ શિખી લીધા પછી 

   'કેમ લીલોતરી અને કેમ રણ?' ન પૂછો,

કુદરતી રચનાઓને પોતે બદલી

  'રુદ્રરુપ મે કેમ કર્યું ધારણ?' ન પૂછો,

જનસંખ્યાનો વિસ્ફોટ કરીને

   વધતા પ્રદૂષણના મને કારણ ન પૂછો,

જંગલો સિમેંટના ઉભા કરીને  

  'ઘટી રહ્યા છે કેમ અભ્યારણ?' ન પૂછો,

તારણ તમે સહું કાઢી લેજો 

   'મારી વાતોનુંં મને, તમે તારણ ન પૂછો,

માનવનિર્મિત સૌ સમસ્યાનું

   હવે તમે મુજને નિવારણ ન પૂછો.