ટચ કરે

આંગળીના ટેરવે બેઠા બેઠા સર્ચ કરે,          

ઊંધું ઘાલીને આખી દુનિયાનું સર્ચ કરે !

ઊઠતાની સાથે કરે વોટ્સએપનાં દર્શન,

પરણેલા હોય તોય ફોટાઓ મેચ કરે !

પછી ઘરમાં યુધ્ધના રણશીંગા વાગે,

મિસીસ વાસણ ફેંકે ને મિસ્ટર એને કેચ કરે !

મેકઅપવાળા ફોટાઓ ફેસબુક પર મૂકે,

એકાદ લાઈક મળે તો ધણીને ચેલેન્જ કરે !

છોરાને ચોકલેટનો રૂપિયો ના આપે,

ને ઈન્ટરનેટ પાછળ હજારોનો ખર્ચ કરે !

ગામના આઉટલાઈન છોરાઓ ઓનલાઈન થઈ ગયા,  

કામધંધો કરે નહીં ને બાપા પર એટેક કરે !

દૂરના ટચમાં રહેતા નજીકનાનો ટચ ગયો,

સૌને વિનંતી એકવાર સ્વજનોને સર્ચ કરે !