મહાત્મા ગાંધી

મહાત્મા ગાંધી

બીજી ઑક્ટોબર આવી સાથે, ગાંધી જયંતી લાવી ; જ્યાં જુઓ ત્યાં હિંસા-હિંસા, અહિંસાનો સંદેશ લાવી.

નામે મોહનદાસ જેની પત્ની કસ્તૂર સરીખી બા : પિતા છે કરમના ચંદ અને માતા પૂતળી જેવી બા.

ગાંધી સત્યના સદા આગ્રહી, એને જૂઠ જરા ના ખપે; અસ્તેય, અપરિગ્રહના પાલક, એને બ્રહ્મચર્ય સદા તપે.

સ્વદેશી વસ્તુ વાપરવી, સાદાઈ ચઢાવી સદા માથે; સર્વધર્મ સમભાવ સમજવા, અથાગ પરિશ્રમ સાથે.

અસ્પૃશ્યોના સ્વામી થઈને, બન્યા નિર્ભયતાના હામી; રંગભેદની નીતિ સામે, અન્યાય દીધો હામી.

સાદગી સાથે આપ્યો મંત્ર, સત્ય-અહિંસા સરખો; સ્વચ્છતાના સંદેશ સાથે આપ્યો, જગતને અદ્ભુત ચરખો.

ગાંધી ગાંધી ગાંધી સૌને, સફાઈમાં દીધા સાંધી ; પિતા છે રાષ્ટ્રના ગાંધી, સૌને એક બંધનમાં દીધા બાંધી.

પ્રેરણાદાયી જીવન જેનું સદા રહ્યા કર્મના યોગી; 

'સ્વયં' કહે ટૂંકી પોતડી પહેરી, જીવી ગયા થઈને જોગી.

-કલસરીયા પૂજા