રોટલી

કાચના વાસણને સાચવવું પડે છે કારણ કે 

એ હાથમાંથી છટકી જાય છે અને

નીચે પડે છે તો તૂટી જાય છે. 

ખાખરાને સાચવવો પડે છે કારણ કે 

એય હાથમાંથી છટકીને નીચે પડે છે 

તો તૂટી જાય છે એટલું જ નહીં, 

એને બેદરકારીથી ઉઠાવવામાં આવે છે,

તોય તૂટી જાય છે પણ એ 

ખાખરો જે રોટલીમાંથી બને છે,

એ રોટલીની આખી વાત ન્યારી છે. 

એની સાથે તમે ગમે તેવો વ્યવહાર કરો છો, 

એ વળી જાય છે પણ તૂટી જવાનું નામ જ નથી લેતી. આ રોટલી આપણને એક જ વાત કરે છે.

'દોસ્ત'

આ તો સંસાર છે. 

અહીં કલ્પી ન હોય એવી તકલીફો અને

કલ્પયાં ન હોય એવા કષ્ટો 

જીવનમાં આવતા રહે છે. 

મારે તને એટલું જ કહેવું છે કે 

ઝૂકી જવું પડે તો ઝૂકી જજે,

વળી જવું પડે તો વળી જે પણ 

મનથી તૂટી પડવાની ભૂલ તો તું ક્યારેય ન કરતો.

જીવન તારું મજબૂત બન્યું રહેશે.