સમયની છળ

મને તો એમ હતું,

કે તારી સાથે વિતાવેલી એક પળ હતી,

મને ક્યાં અંદેશ હતો,

કે આ તો બસ સમયની એક છળ હતી,

તારી સાથે વિતાવેલ એક એક પળ,

પથારીની ચાદરમાં પડેલા એ તમામ સળ,

મારા અધરો પર વહેલું એ તારા અધરોનું જળ,

મારા મહીં થઈ વહેલી તું નદી ખળખળ,

યાદ આવે છે તારી સંગ એ તમામ ક્ષણો વિતાવેલી,

અને આજે પણ છે એ પળોમાં પાછા ફરવાની તાલાવેલી,

પરંતુ જાણે

વરસ ગયું ને વાત ગઈ,

મારામાંથી જાણે મારી જાત ગઈ,

બસ હવે મારી પાસે માત્ર યાદોમાં એ પળ છે,

અને હું સમજાવું છું ખુદને કે આ બધુ માત્ર છળ છે.