તારી યાદ

વીતેલી ક્ષણોને વાગોળવાની પળ મળી,

કે મને તારી સાથે વિતાવેલ દરેક ક્ષણ મળી,

તારા હોવાથી ન હોવાં સુધી,

તને પામ્યાથી લઈ તને ખોવા સુધી,

વાદળ એક તારી યાદોનું વરસી પડ્યું,

ને મન મારૂ એ ભીની પળોમાં લપસી પડયું,

તારા હસવાથી લઈ રડવાની યાદ,

નાની શી બાબતમાં મુજ સાથે લડવાની યાદ,

તારી કહ્યા વીનાની કહેલ હજારો વાતો,

જાગતા જ ગુજારેલી આપણી અકબંધ રાતો,

તારા વીનાની મારી એક પણ ક્ષણ આબાદ નથી,

શું તને સાથે વિતાવેલી કોઈ પણ ક્ષણ યાદ નથી.