કાં કરે છે વાર માવા
કાં કરે છે વાર માવા
છું વિયોગી શામળાની, શાન ભૂલી હું ફરું,
આવને માધવ હવે તું ! ધ્યાન છોડી હું ફરું,
વેદના અંતર તણી, જાતી રડાવી વાલમા !
ચેન ખરતું જાય ઉરથી, તાન તોડી હું ફરું,
થાય જો ઝાંખી તમારી તો હસે અંતર ઘણું,
કાં કરો છો વાર માવા ? માન મેલી હું ફરું,
પાંપણેથી પૂર વ્હે ને દૃશ્ય થાતું ધૂંધળું,
બંસરીના સૂર છેડો, ગાન ગાતી હું ફરું,
સૃષ્ટિનું સૌંદર્ય કૂડું દીસતું, દર્શન વગર !
કર કૃપાને દે મિલનનાં દાન, પોંખી હું ફરું.