કામણ કર્યા કાનુડાએ
કામણ કર્યા કાનુડાએ
1 min
322
ગોપીઓ ગાંડીઘેલી બની ઝટ વૃંદાવન દોડી રહી;
કામણ કર્યા કાનુડાએ જબરા એને હવે ગોતી રહી.
માથે મટુકી લઈને ગોપી જળ જમુનાનાં ભરી રહી;
રસ્તા વચ્ચે આંતરી કંકર મારી મટુકીને ફોડી રહી.
મસ્તીખોર માખણચોર નંદકિશોર કાનુડો કહી રહી;
એની આંખોમાં જોઈ જોઈ હર્ષની હેલી વહાવી રહી.
કાનુડાની વાંસળીના સૂરોને વનવગડામાં સૂણી રહી;
છોડીને ઘરસંસાર કામણગારા કાન પાછળ ઘેલી રહી.
કાનુડાનું દિવ્ય દર્શન કરવાં મનડામાં તાલાવેલી રહી;
ગોપી 'કામણ કર્યા કાનુડાએ' નગર નગર કહેતી રહી.