જલપરી

જલપરી રહેતી હતી દરિયામાં,

અડધી કન્યા અડધી માછલી હતી દેખાવમાં,

બાળકો એને ખૂબ ગમતા,

દરિયા કિનારે એ રમતા,

એની વાતો સાંભળતા સાંભળતા એ જમતા,

દાદી નાની કહેતા એની વાર્તા,

એના દ્વારા જીવનનો માર્ગ બતાવતા,

હતી તો એ કાલ્પનિક વાર્તા,

પણ એના દ્વારા જીવનનાં મૂલ્યો શીખવતા,

નથી આજે એ દાદી નાની,

નથી આજે રહી એ જલપરી,

નથી આજે એવા બાળ,

બદલાયો જાણે આખો કાળ !

દાદી, નાની મોબાઈલમાં થયા મગન,

બાળકોને પણ લાગી મોબાઈલની લગન,

જલપરી પણ થઈ ગઈ જલમાં મગન.