જિંદગીનો સફર

જિંદગીનો સફર ઞમતાનો,

ગુલાલ હોવો જોઈએ,

જિંદગી ચોપાટની હાર-જીતનો,

ખેલ હોવો જોઈએ.

પ્રકૃતિના સાનિધ્યમાં,

આમ્રકુંજની ગલીમાં ટહેલવું છે,

રસ્તાઓ પરના કંટકોની,

ઝાડીનો ઉકેલ હોવો જોઈએ.

જગમાં માણસ સીધો-સાદો,

સરળ મળવો મુશ્કેલ છે,

માણસ સાવ સરળ સ્વભાવનો,

ઠરેલ હોવો જોઈએ.

જીવન સદભાવ અને સમર્પણની,

ભાવનાથી સંગીન છે,

મનુષ્ય આત્માથી જ સદગુણનો,

ભરેલ હોવો જોઈએ.

કિસ્મતની રેખાઓ શૂન્યના,

મધ્યબિંદુએ જ છેદાણી છે,

પ્રમેયના પરિઘમાં છેદાતી રેખાનો,

સવાલ હોવો જોઈએ.