જિંદગી
જિંદગી
કેવી છે આ જિંદગી ?
ઘણીવાર કવિતા જેવી,
બળબળતા ઉનાળામાં અચાનક વરસતાં વરસાદ જેવી,
તો ક્યારેક નાકામ શાયરના અધૂરા પ્રેમની ગઝલ જેવી,
કેવી છે આ જિંદગી ?
ક્યારેક સાત સૂરનાં સંગીતથી ભરપૂર પણ લાગણી ના નામે શૂન્ય,
તો ક્યારેક ના સૂર, ના શબ્દો, તો પણ આંખમાં આંસુ બની વહી જાય એવી,
કેવી છે આ જિંદગી ?
કો'કવાર ખુશખુશાલ ચહેરા પાછળ રડતી...
તો કો'કવાર હાસ્ય ને હોઠના સાથ માટે સળવળતી,
કેવી છે આ જિંદગી ?
દૂર હોય કોઈ તોય સાથ મહેસૂસ કરતી...
ને ભરી મેહફિલમાં ય એકલતા અનુભવતી...
કેવી છે આ જિંદગી ?
ક્યાંક ખોબે ખોબે ખુશી તો...
ક્યાંક દરિયાની જેમ ગમગીન વહેતી,
સૌની અલગ અલગ
કેવી છે આ જિંદગી ?