જિંદગી

જેમતેમ વીતેલાં વર્ષોમાં પણ ગણાઈ ગઈ જિંદગી. 

શરીરની રગેરગમાં જાણે કે એ વણાઈ ગઈ જિંદગી.

પચાસ સુધી તો કેમ જીવવું એ શીખવાનું હોય છે,

પણ એ પહેલાં તો રોગભરડે ભરખાઈ ગઈ જિંદગી. 

કેમ કહું તમને હું દિલદાસ્તાન અંતર ભડકે બળે ને,

હતી હજુ તો વસંત ને કેવી એ કરમાઈ ગઈ જિંદગી. 

વય અડધી તો ભણવાને કમાવામાં વીતાવી દીધેલી,

બાકીની દાક્તરોના બીલમાં ખરચાઈ ગઈ જિંદગી. 

હતી મારેય તમન્ના જીવવાની એકદા માનવસમુંને,

રહી આશાકિતાબ અધૂરીને વપરાઈ ગઈ જિંદગી.