જિંદગી.. તારાથી કોઈ ફરિયાદ નથી
જિંદગી.. તારાથી કોઈ ફરિયાદ નથી
એ જિંદગી મને તારાથી કોઈ ફરિયાદ નથી,
બસ, આ મતલબી સંબંધોને સાચવામાં ક્યારે અમે સ્વયંને સાચવાનું ભૂલી ગયા એ યાદ નથી.
એ જિંદગી મને તારાથી કોઈ ફરિયાદ નથી,
બસ, હૃદય ખોલીને ખુશીઓ વહેંચતાં, ક્યારે અમે એ જ હૃદયને દુઃખમા કૈદ કરી નાખ્યું એ યાદ નથી.
એ જિંદગી મને તારાથી કોઈ ફરિયાદ નથી,
બસ, સાહીલ પર રજા માણતા ક્યારે અમે વ્યસ્તતાના દરિયા મહી ડૂબી ગયા એ યાદ નથી.
એ જિંદગી મને તારાથી કોઈ ફરિયાદ નથી,
બસ, આંખમાં રહેલું ઝાકળનું મોતી ક્યારે સૂકાઈને ખરી પડયું એ યાદ નથી.
એ જિંદગી મને તારાથી કોઈ ફરિયાદ નથી,
બસ, મુખ પર રહેતું એ ખડખડાટ હાસ્ય ક્યારે ઝાખાં સ્મિતમાં ફેરવાઈ ગયું એ યાદ નથી.
એ જિંદગી મને તારાથી કોઈ ફરિયાદ નથી,
બસ, નાનપણમાં વાવેલા ઈચ્છાઓના એ બીજ ક્યારે જવાબદારીઓનાં વહેતા પૂરથી ધોવાઈ ગયા એ યાદ નથી.
એ જિંદગી મને તારાથી કોઈ ફરિયાદ નથી,
બસ, ક્ષણમાં મા પણ ના ભુલાય એ ઈશ્વરના ધામમાં છેલ્લે ક્યારે ગયા હતા એ યાદ નથી.
એ જિંદગી મને તારાથી કોઈ ફરિયાદ નથી,
બસ, મન મૂકીને છેલ્લે ક્યારે જીવ્યા હતા એ યાદ નથી.