જીવન સફર
જીવન સફર
જીવનની આ સફરમાં કોણ ક્યાં ક્યારે મળી જાય,
લાગણીના સંબંધો પણ આપમેળે બંધાઈ જાય,
નથી માગતું દિલ રજામંદી એની,
એ તો હંમેશા એની મનમાની કરી જાય,
આંટીધૂટી છે આવી સંબંધોમાં ઘણી,
કોઈ સહેલાઈથી ઉકેલાય તો કોઈ ગાંઠ જ રહી જાય,
રાહગીર છે સૌ કોઈ અહીં જગતમાં,
કોઈ ફરેબ બતાવી તો કોઈ પ્રેમ જગાડી જાય,
છતાં પણ આ જીવન સફર છે ખૂબ મજાની,
ક્યારેય દર્દ મળે તો ક્યારેક અપાર સુખ પણ મળી જાય,
તું ફેલાવે જા બસ સુગંધ તારા સ્નેહની,
કોને ખબર એ સુવાસ થકી કોઈ ક્યારે મહેંકી જાય.