જીવન મધુરું

રંગીન બન્યું બાળપણ મારું,

પળપળ ખીલ્યું હાસ્ય અમારું,

દોસ્ત બનીને જીવન બનાવ્યું મધુરું !

હતા ભલે સંકટ અનેક,

તારા સંગાથે ન રહ્યા એક,

દોસ્ત બનીને જીવન બનાવ્યું મધુરું !

જીવનમાં અનુભવી જ્યારે એકલતા,

તે ભરી એમાં અનેક સહાયતા,

દોસ્ત બનીને જીવન બનાવ્યું મધુરું .!

આવ્યા જ્યારે આંખમાં આંસુ,

તે બનાવ્યા એને આનંદના આંસુ,

દોસ્ત બનીને જીવન બનાવ્યું મધુરું !

મળ્યો સદા સાથ તારો એવો,

જીવનનો હર પડાવ રહ્યો અનેરો,

દોસ્ત બનીને જીવન બનાવ્યું મધુરું !