જીવી ગયો છું

જિંદગીનો દોરો વીંટળાઈ ગયો છે 

તારી કોકડીની ગૂંચવણોમાં,

ગૂંચવણો સુલજાવવામાં ગાંઠો અસંખ્ય છે

ચશ્મા જ હવે મારી આંખો છે !

પ્રયત્નો ખુબ કર્યા છે સુલજાવવા માટે

આખરે ગૂંચવણોમાં વીંટળાઈને 

જીવી ગયો છું, જીવી ગયો છું !

 

તડકો રોજ વરસે છે અહીં

ચાવીના રમકડાને નચાવવા,

ડફલી વગાડી રહ્યો છું દરરોજ 

ચાવી ભરે છે તું જ્યારે -જ્યારે,

રોજ ચાવી ના ઈશારા પર નાચી

જીવી ગયો છું, જીવી ગયો છું !

 

ગગનનો એક તારો બની ગયો છું

રોશની મારામાં હોય કે ન હોય !

ચમકી રહ્યો છું છતાં સૂના ગગનમાં,

ચાંદની બની તું ચમકી છો એમ જાણી

જીવી ગયો છું, જીવી ગયો છું !