ઝરૂખે વાટ જોતી

તસવીરને હૃદયે કેદ કરી નિહાળું રોજ આપને,

કપાતા મિલન ઝંખે હૃદય ઝરૂખે વાટ જોતી.

યાદ આવે જયારે જયારે તારા આવવાની,

આંખ જોવા તરસતી બેસી ઝરૂખે વાટ જોતી.

રવિના કિરણો પડે ને મનમાં આશ જાગતી,

સાંજ ઢળેને આવશે હાથ ઝાલવા રાહ જોતી.

જીવન કેરી નાવડી સોપું તારા હાથમાં,

એકાંતે તારી પ્રિત માટે બેસી ઝરૂખે વાટ જોતી.

આશ રાખી અંતરે આંખોમાં સપના સજાવી,

સોળે શણગાર સજવા બેસી ઝરૂખે વાટ જોતી.