ઝરૂખે વાટ જોતી

રાહ્ જોતી હું તો ઝરૂખે

તું મળવાને આવજે

હૃદયની લાગણી મારી 

તું પ્રેમ થી વધાવજે..

અડજે સરક્તા ઝાકળ ને પછી  

સવારે સોનેરી તડકાને ઉઠાડજે

વાગશે ઘંટડી ને બાંગ સંભળાશે

તું અવાજે આજે ને શંખનાદ ગજાવજે

ચહેકતાં પંખીઓની ટોળી આકાશે 

હાંક મારી કોક દી એમને બોલાવજે

ગરજશે ક્યાંક વાદળ ને મેહ ઉમટશે 

ટોડલે જો મોરલો હોય તો ટહુકો લગાવજે

 

રૂદિયું મારુ ઘેલું કાં હું ઘેલી

ઝરૂખે વાટ જોતી તું મળવાને આવજે 

તું મળવાને આવજે..તું મળવાને આવજે