ઈશ્વરનું અણમોલ નજરાણું - મિત્ર
ઈશ્વરનું અણમોલ નજરાણું - મિત્ર
રંગવિહીન અને અપૂર્ણ હતું
મારા જીવનનું ચિત્ર,
પૂર્ણ અને રંગોથી સુશોભિત બન્યું જ્યારે,
મારા જીવનમાં આવ્યો એ મિત્ર,
સૂના મનમંદિરમાં
સંગીત બની આવ્યો એ મિત્ર,
જીવન રણમાં
મીઠું ઝરણું બની આવ્યો એ મિત્ર,
હૃદયની વિરાન ધરા પર
વર્ષાની બુંદો બની તૃપ્ત કરવા
આવ્યો એ મિત્ર,
જીવન સમંદરમાં સરિતા બની
મારા કાજે પોતાનું અસ્તિત્વ મિટાવી ગયો
એ મિત્ર,
પાનખર જેવી જિંદગીમાં,
બહાર બની આવ્યો એ મિત્ર,
કૃષ્ણ સુદામાની મિસાલ બની
આવ્યો એ મિત્ર,
જીવનનાં ખાલીપા ને
આનંદથી તરબોળ કરી ગયો એ મિત્ર,
ઈશ્વરનું અમૂલ્ય નજરાણું બની
આવ્યો એ મિત્ર,
મારા જીવનનું અણમોલ રંગબેરંગી
બનાવી ગયો એ ચિત્ર,