ઈશ્વરની ટપાલ થઈ ગઈ

પગરવ થયો એનો ને,

જાણે ! આ ધરતી જન્નત થઈ ગઈ,

આવી હવાની લહેરખી ને ,

આ ડાળી જાણે ! પાગલ થઇ ગઇ.

ડાળીએ ડાળીએ ફૂટી વસંત ને,

એ જાણે ! ઈશ્વરની ટપાલ થઈ ગઈ,

પંખી એ આપ્યો ટહુકો ને,

જાણે ! સોનેરી સવાર થઈ ગઈ.

ચાંદ આવ્યો આભે ને,

જાણે !આ ડરપોક અંધારું દૂર થઈ ગયું,

ઝાકળ આવી ફૂલોને ચૂમવા,

પણ જો ને આ ઈર્ષાળુ પત્ની જેવી,

આવી સૂરજ ની કિરણ, ને બબાલ  થઇ ગઈ.

જો ને વરસી આકાશી બુંદો તો,

ધરતી જાણે ! દુલ્હન થઈ ગઈ,

પગરવ થયો એનો ને,

જાણે! આ ધરતી જન્નત થઈ ગઈ.