ઈન્તજાર

આવ મારી વાલમ પાસે મુજને,

તારો જ ઈન્તજાર છે,

ક્યાં છૂપાઈ હતી અત્યાર સુધી,

તને શાનું અભિમાન છે ?

રોજ વાયદો કરે છે મળવાનો,

મુજને મળવાની તને આળસ છે,

થાકી ગયો છુ તારી વાટ જોઈને,

શા માટે મુજને તડપાવે છે ?

મોસમ ખીલી છે સુંદર હેમંતની,

મળવાની મધુર પળ આવી છે,

પૂનમની આ શિતળ ચાંદનીમાં,

મુજને કેમ તું તરસાવે છે ?

દિલમાં અતિ આનંદ છે મૂજને,

શ્ચાસોની સરગમ લહેરાય છે,

પ્રેમનો તરાનો હું ગાઈ રહ્યો છું,

તુજને ક્યાં તેની દરકાર છે ?

મનમાની છોડી તું આવીજા હવે,

દિલમાં છબી ફક્ત તારી જ છે,

"મુરલી" મજનૂ છું તારા પ્રેમનો,

તું લૈલા બનવા ક્યાં તૈયાર છે ?