હુંફ

અનરાધાર વરસતો મેહુલિયો

તન મન તરબોળ કરતો

સતત વરસી રહ્યો

કદાચ આજ તે પણ

ભીંજાવા માંગતો હતો

વરસી વરસી થાકયો 

થોડો વિરામ લીધો

સૌને ભીંજવનાર

એ મેહુલિયો કોરો નો કોરો

કદાચ

આ ભાવિ એનું

તરબોળ કરનાર સૌને

પણ 

એના અંતરે

ચાહતની પ્યાસ અંકબંધ

હુંફને તરસતો

વ્હાલમનો સ્પર્શ ઝંખતો 

મનમાં અનેક સપનાં સજાવતો

પણ નિયતિ એની

વરસવું વરસતા રહેવું

આશ અને પ્યાસ ભૂલી 

અને 

ડુસકા અંતરમાં છુપાવી

ધરબી દીધા અરમાનો ને

આજ એ વરસી પડ્યો

અનરાધાર