હું ઘડાવું છું
હું ઘડાવું છું
હૃદયના ધબકારા સાથે તાલ મિલાવું છું,
ને જીંદગીના સૂર સાથે સૂર મિલાવું છું.
આંખોના પલકારા વચ્ચે સ્વપ્ન સજાવું છું ,
ને જીવતરમાં હું થોડો રંગ ભરી દઉ છું.
દરિયાના મોજાં વચ્ચે ઘર બનાવું છું,
ને ઘર મળ્યું માની, હું મારું મન મનાવું છું.
મળ્યું એને ભાગ્ય સમજી શીશ ચઢાવું છું,
ને બાકીનું હું પુરુષાર્થથી મેળવી જાણું છું.
સંબંધોની આંટીઘૂંટીને હું સમજું છું,
બસ, અનુભવનું ભાથું લઇને હું ઘડાઉં છું.