તું કેમ આટલીઆઉટ ડેટેડ રહી ?
તું કેમ આટલીઆઉટ ડેટેડ રહી ?
1 min
396
પાલવમાં વીટળાયેલ તારું બાળપણ ન છૂટે,
માટે 'મા' તારી ડ્રેસથી અળગી રહી.
કોળિયા કરી ખવડાવવામાં હરખાતી રહી એવી
કે 'મા' તારી સ્પૂન પકડવું ભૂલી ગઈ.
તારી સગવડો સાચવી એવાં થાક્યા એનાં હાથ
કે સ્માર્ટફોન કદીય ન એ ઝાલી શક્યાં.
તને ભાણું પીરસવામાં અટવાઈ એવી 'મા'
કે ટેબલ મેનર્સ એ ન કદી શીખી શકી.
તારા કરિયરને આગળ ધપાવવા તારી 'મા'
જીવન જીવવામાં તે કેવી પાછી પડી !
તારા હાસ્યને હૈયે મઢાવી રાખતી તારી 'મા'
સ્નેપચેટ ને ઇન્સટાથી ઘણી અજાણ રહી.
તારા આ અપડેટ વર્ઝન પર જે તને ગુમાન છે
એ તારી આઉટ ડેટેડમાનું બલિદાન છે!