રસ્તો
રસ્તો
1 min
157
ઉંબરે ઊભી રોજ એ જોતી એક રસ્તો,
એના વાડાને અડીને જાતો એક રસ્તો.
સાંભળ્યું હતું એણે-
ગલી- મહોલ્લાને મળતો આ રસ્તો,
કોઈક ઝરૂખાને તાંકતો આ રસ્તો.
ચબૂતરાની ચોતરફ ફરતો હતો રસ્તો,
વડવાઈને હળવેથી સ્પર્શતો આ રસ્તો.
ખેતરમાં કેડી બની રહેતો આ રસ્તો,
પાછી પગદંડી બની જાતો આ રસ્તો.
ધૂળિયો રસ્તો, કાંટાળો રસ્તો,
અટવાતો, કપાતો, પાદરે ફંટાતો રસ્તો.
આ આવતો ને ક્યાંક જતો હતો રસ્તો,
"મને શું જોવા મળશે આ રસ્તો ?
સમજાવશે કોઈ આ તે કેવો સિરસ્તો ?"
પ્રશ્ન એનો નહતો આ કાંઈ અમસ્તો !
ઉંબરે ઊભી રોજ એ જોતી એક રસ્તો.