જિંદગી

મેં જિંદગીને માણી છે, 

મારી જિંદગીનો દોસ્ત બની !

મેં જિંદગીને જાણી છે, 

મારી જિંદગીની સાથે જીવી !

જીવી જવાનું કેટલું સહેલું છે !?

જો પવનની દિશામાં હલેસું છે !

પોતે મનથી દ્રઢ નિશ્ચયી બની જવાનું, 

સફળતા માટેનું કામ પહેલું છે !

રોજ રોજ નવા પડકારો મળે, 

ઉકેલ માટે નવી નવી દિશાઓ મળે !

ના ધારેલું કદીક અણધાર્યું મળે, 

તો ક્યાંક પામેલું એમ જ ખોવું પડે !

જિંદગીનું કંઈક એવું રમત જેવું છે !

હાર - જીત અને ગમ ખુશીઓની વચ્ચે, 

ચાલુ છું સમતોલ રહી જિંદગીના રસ્તે !

જિંદગી ધારે એમ કરવા દઉં છું મને, 

ત્યારે અણધાર્યું કે મુશ્કેલ લાગતું નથી કશે !

ઉપરવાળાની મરજીથી વધુ ઇષ્ટ થાય છે, 

પાપ પુણ્ય અને કર્મ ફળથી લેખ લખાય છે !

વિશાળ દરિયો હોવાની કોઈ નિસ્બત નથી, 

ખાબોચિયાંના મીઠા જળમાંય મસ્ત જીવાય છે !